Boxbe

Sunday, April 4, 2010

രാഗമാലിക

സ്വരരാഗകല്ലോലിനി രഞ്ജിനി
പ്രിയരാഗമന്ദാകിനി
പ്രകൃതിയും പ്രണവവും പ്രമദമായൊഴുകുന്ന
ലയരാഗശിവരഞ്ജിനി

പ്രിയരാഗമാലിക നീയണിയും
കാവ്യഭരിതമീജീവിതം ധന്യം
സുലളിതപദവിന്യാസം
രാഗഭരിതമീജീവിതം ധന്യം

നൂപുരധ്വനികളില്‍ മന്ദ്രനിനാദം
പുളകത്തിന്‍ പൂത്തിരിനാളം
എന്നില്‍ നിറയും മോഹനരാഗം
ഗൌരിമനോഹരി തന്‍ വരവീണയില്‍
ഉണരും ഹരികാംബോജി

വനികകള്‍ പൂക്കും വസന്തകാലം
മനസ്സിലുണര്‍ന്നൂ ഹിന്ദോളം
ഭൈരവിതന്‍ ഭാവയാമം
രാഗഭരിതം ചക്രവാകം
ഹംസധ്വനി കേട്ടുണരും മലരുകള്‍
ശിരസ്സില്‍ ചൂടും കനകാംഗി

No comments:

Post a Comment